‘भुलेश्वरचा राजा’ची मुर्ती कोसळून दोघांच्या मृत्यूनंतर ‘लालबागचा राजा’, ‘मुंबईचा राजा’चा एकत्रितपणे मोठा निर्णय

‘भुलेश्वरचा राजा’ मंडळासोबत काय घडलं?

शनिवारी रात्रीच्या सुमारास भुलेश्वरच्या राजाचा आगमन सोहळा होता. आगमन सोहळ्यादरम्यानच बाप्पाची 22 फूट मूर्ती कोसळून मोठी दुर्घटना घडली. अखिल भुलेश्वर सार्वजनिक गणेशउत्सव मंडळाचा गणेश मूर्ती आगमन सोहळा सुरू असताना 22 फूट उंच मूर्ती पटांगण परिसरात अचानक तोल गेल्याने कोसळली होती. या दुर्घटनेत मंडळाच्या 7 जण जखमी झाले होते. त्यातील 2 जणांचा मृत्यू झाला तर 5 जणांवर उपचार सुरू आहेत. भीषण दुर्घटनेत मंडळाचे अध्यक्ष संकेत नेवशे आणि पदाधिकारी ब्रिजेश जोशी यांचा जागीच मृत्यू झाला. 33 वर्षीय संकेत मंडळाचा अध्यक्ष होता तर 30 वर्षीय ब्रिजेश सदस्य होत्या. मागील काही वर्षापासून दोघेही मंडळाचे काम करत होते. मात्र शनिवारी झालेल्या दुर्घटनेमध्ये या दोघांवर काळाने घाला घातला. ब्रिजेश जोशी विवाहित होता. त्याला 2 वर्षांचा मुलगा आहे. ब्रिजेश मूर्तीच्या समोरच होता. त्यामुळं मूर्ती जेव्हा कोसळली तेव्हा तो खाली दबला गेला, अशी माहिती त्याच्या नातेवाईकांनी दिली आहे.