देशाची आर्थिक राजधानी असलेली मुंबई, महागड्या मालमत्तांच्या बाबतीत प्रसिद्ध आहे. दररोज शेकडो कोटी रुपयांच्या सौद्यांच्या बातम्या समोर येत असतात. आता, जुहू येथील आणखी एक बंगला त्याच्या किमतीमुळे चर्चेत आहे. जुहू तारा रोडवरील सी-फेसिंग असलेला हा बंगला 70 वर्षे जुना आहे, परंतु त्याचे ऐतिहासिक महत्त्व लक्षात घेता, त्याची किंमत 221 कोटी रुपये ठेवण्यात आली आहे. जास्त किंमत असूनही, विक्रीसाठी उपलब्ध झाल्यापासून अनेक बांधकाम व्यावसायिकांनी त्यात रस दाखवला आहे.
जुहू तारा रोडवर असलेल्या या बंगल्याचे नाव लीला बंगला असून तो अंदाजे 70 वर्षे जुना आहे. आर्ट डेको शैलीत बांधलेल्या या बंगल्याला ग्रेड IIB वारसा दर्जा देण्यात आला आहे. या दर्जामुळे खरेदीदाराला त्यात कोणतेही बदल करण्याची फारशी संधी मिळणार नाही. वृत्तानुसार, हा बंगला गौतम नानावटी कुटुंaबाचा आहे, जे मुंबईतील नानावटी मॅक्स सुपर स्पेशालिटी हॉस्पिटलचेही मालक आहेत.
सी-फेसिंग बंगला मुंबईस्थित नोटंदास ज्वेलर्स ग्रुपचा भाग असलेल्या नोटंदास रियल्टीने खरेदी केला आहे. या व्यवहारात लाखो रुपयांचे मुद्रांक शुल्क आणि नोंदणी शुल्कही भरण्यात आले. हा बंगला नोटंदास रियल्टीचे संचाल, महेश नोटंदास जगवाणी आणि हर्ष महेश जगवाणी यांनी संयुक्तपणे खरेदी केला आहे. महेश जगवाणी हे वांद्रे येथे शोरूम असलेल्या नोटंदा ज्वेलर्सचे संचालकही आहेत. नोटंदास कुटुंबातील किशन जगवाणी यांनी 1983 मध्ये दागिन्यांचा व्यवसाय सुरू केला.
या दोन मजली बंगल्याचे भूखंड क्षेत्रफळ अंदाजे 1,355 चौरस मीटर असून, बांधकाम क्षेत्रफळ अंदाजे 8,480.68 चौरस फूट आहे. यात 2,500 चौरस फुटांची गच्ची आणि 5,00- चौरस फुटांची बाग देखील आहे. बांधकाम क्षेत्रफळाच्या आधारावर, या व्यवहाराचे मूल्य प्रति चौरस फूट ₹260,592 आहे. मुंबईचे बँकर उदय कोटक यांनी यापूर्वी वरळीमध्ये समुद्रकिनारी असलेला एक बंगला प्रति चौरस फूट ₹2.89 लाख दराने खरेदी केला होता. मात्र, नोटंदास रियल्टीने खरेदी केलेल्या या बंगल्याची किंमत, एकूण 14,585 चौरस फूट भूखंड क्षेत्रफळाच्या आधारावर, प्रति चौरस फूट ₹151,525 आहे.
प्रॉपर्टी सल्लागार फर्म जेएलएल इंडियाने हा व्यवहार व्यवस्थापित केला. हा बंगला सुरुवातीला 2022 मध्ये ₹210 ते ₹220 कोटींना विक्रीसाठी ठेवण्यात आला होता. या वर्षाच्या सुरुवातीला, त्याची किंमत सुमारे ₹250 कोटींपर्यंत पोहोचली होती. त्यावेळी, मुंबईतील तीन खरेदीदारांनी त्यात रस दाखवला होता. या बंगल्याला हेरिटेज स्टेटस आहे, त्यामुळे मालक तो खरेदी केल्यानंतरही त्यात मोठे बदल करू शकत नाही. बंगल्याचे दरवाजे बर्मा सागवान लाकडावर कोरीवकाम करून बनवलेले आहेत.
