अमित शाहांनी (Amit Shah) जिन्नाना लाजवेल इतकी मुस्लिमांची बाजू घेतली, भाजपने हिंदुत्व सोडलं का? आमचा विधेयकाला नव्हे तर भ्रष्टाचाराला विरोध असल्याचा घणाघात शिवसेना ठाकरे गटाचे प्रमुख उद्धव ठाकरे यांनी केलाय. वक्फ दुरुस्ती विधेयक (Waqf Amendment Bill 2025) लोकसभेत मंजूर झालं आहे. काल रात्री उशीरा वक्फ दुरुस्ती विधेयकासाठी मतदान घेण्यात आलं. यावेळी विधेयकाच्या समर्थनात 288 तर विरोधात 232 मतं पडलीत. यावरून उद्धव ठाकरे यांनी पत्रकार परिषद घेत जोरदार हल्लाबोल केलाय.
उद्धव ठाकरे म्हणाले की, आज ३ एप्रिल आहे. आपल्या सगळ्यांना आठवत असेल 15-30 दिवसांआधी अमेरिकेने सांगितलं की, तुम्ही कर कमी करा, नाहीतर आम्ही कर वाढवू. कर वाढवले आहे. आता बाजार कोसळला आहे. आर्थिक संकट असताना, काय पाऊले उचल्याची गरज आहे. ही भूमिका सरकाराने घेतली पाहिजे होती. हे देशासमोर येणारं आर्थिक संकट पंतप्रधान मोदींनी सांगायला हवं होतं. त्यावर काय करायचे असं ते म्हणाले असते तर आम्ही एकमुखाने सोबत राहिलो असतो. आज तरी लोकसभेत, राज्यसभेत आर्थिक संकटाबद्दल अर्थ मंत्र्यांनी तरी अवगत केलं पाहिजे. आज हे करणं गरजेचं आहे, असे त्यांनी म्हटले.
तुमची दादागिरी आम्ही सहन करणार नाही
वक्फ बोर्ड सुधारणा विधेयक बिल काल मांडले. किरेन रिजिजू यांनी बिल मांडलं, गोमास खाण्याचा समर्थन यांनी केलं होतं ते बिल मांडतात हा योगायोग आहे. लोकांना झुजवायचं आणि राजकीय पोळी यांना भाजायची आहे. सुधारणा विधेयकमध्ये काही मुद्दे चांगले आहेत. वक्फ बोर्ड जमिनी तुम्ही ताब्यात घेणार असं म्हणताय, म्हणजे त्यांच्या जमिनीवर यांचा डोळा आहे. जिन्नांना लाजवेल अशी मुस्लिमांची बाजू घेणारी भाषण अमित शाह यांच्यासह त्यांच्या मित्र पक्षाच्या नेत्यांनी केली. तुम्ही आम्हाला बाळासाहेब यांचे विचार शिकवणार? तुम्ही सांगताय मुस्लिमांच्या हिताचे बिल आहे. म्हणताय की, तुम्ही हिंदू विरोधी आहेत का? बिगर मुस्लिम तुम्ही त्या बोर्डात टाकताय. काही दुरुस्त्या हे बिल आणण्यापूर्वी आम्ही त्यात सुचवल्या होत्या. मात्र, तुम्ही जी अफरताफर करायची ती करत होताच. आम्ही काय खायचे, काही खायचे नाही, तुमची दादागिरी आम्ही सहन करणार नाही, असेही उद्धव ठाकरे यांनी म्हटले.
विधेयकाला नव्हे तर भ्रष्टाचाराला विरोध
उद्धव ठाकरे पुढे म्हणाले की, जे तुम्ही म्हणताय आम्ही हिंदुत्व सोडलं, ते गद्दार मुस्लिमांची स्तुती करत होते. तेव्हा तुम्ही शांत का बसले? कुठे गेले बाळासाहेब ठाकरे यांचे विचार? भाजपला मी आवाहन करतो किंवा आव्हान करतो. तुम्ही झेंड्यावरचा हिरवा रंग काढा. आम्ही विधेयकाला नव्हे तर भ्रष्टाचाराला विरोध केला आहे, हे जमिनी बळाकवणार आहेत आणि मित्रांच्या घशात तुम्ही जमिनी घालणार आहात. भाजपने काल जिन्नाना लाजवेल, अशी बाजू मुस्लिमांची घेतली. तुम्ही म्हणता आम्ही हिंदुत्व सोडलं, तुम्ही काय सोडलं होतं काल? असा हल्लाबोल उद्धव ठाकरे यांनी केलाय.
