दिवाळीच्या सणापूर्वी केंद्र सरकारचे कर्मचारी आणि पेन्शनधारकांसाठी एक अत्यंत आनंदवार्ता समोर आली आहे. पंतप्रधान नरेंद्र मोदी यांच्या अध्यक्षतेखाली पार पडलेल्या केंद्रीय मंत्रिमंडळाच्या (Cabinet Meeting) बैठकीत कर्मचाऱ्यांच्या महागाई भत्त्यात (Dearness Allowance DA) 3 टक्के वाढ करण्याच्या प्रस्तावाला अधिकृत मंजुरी देण्यात आली आहे. या निर्णयासाठी केंद्र सरकारने तब्बल 10,016 कोटी रुपयांचा निधी मंजूर केला आहे.
28 ऑक्टोबर रोजी झालेल्या बैठकीत या निर्णयावर शिक्कामोर्तब करण्यात आले असून, यामुळे कर्मचाऱ्यांचा महागाई भत्ता आता 60% वरून वाढून थेट 63% झाला आहे.
What is Dearness Allowance : महागाई भत्ता म्हणजे नक्की काय?
महागाई भत्ता (DA) हा सरकारी कर्मचाऱ्यांना वाढत्या महागाईचा सामना करण्यासाठी मूळ वेतनासोबत (Basic Salary) दिला जाणारा एक विशेष भत्ता आहे. महागाईच्या दरावर आधारित दरवर्षी सरकारकडून या भत्त्यात सुधारणा केली जाते. हा भत्ता कर्मचाऱ्यांच्या मूळ पगाराच्या टक्केवारीवर आधारित असतो.
Salary Hike Calculation : पगार नक्की किती वाढणार?
महागाई भत्त्यात 3% ची वाढ झाल्यामुळे कर्मचाऱ्यांच्या हातात येणाऱ्या पगारात घसघशीत वाढ होणार आहे.
जर एखाद्या केंद्रीय कर्मचाऱ्याचा मूळ पगार (Basic Salary) 25,000 रुपये असेल. तर 63 टक्के महागाई भत्त्याच्या नवीन दरानुसार त्याला मिळणारा DA आता 15,750 रुपये होईल. म्हणजेच त्या कर्मचाऱ्याचा एकूण पगार वाढून 40,750 रुपये होईल.
DA Hike Rule : वर्षातून दोन वेळा वाढतो महागाई भत्ता
केंद्र सरकार आपल्या कर्मचाऱ्यांचा महागाई भत्ता वर्षातून दोनदा (जानेवारी आणि जुलै) सुधारित करते. जानेवारीच्या वाढीचा निर्णय सामान्यतः मार्च किंवा एप्रिल महिन्यातील बैठकीत घेतला जातो. जुलैच्या वाढीचा निर्णय सप्टेंबर किंवा ऑक्टोबर महिन्यात होणाऱ्या बैठकीत घेतला जातो. सरकार एका निश्चित सूत्रानुसार (Formula) महागाई भत्त्याच्या दरात बदल करते, त्यामुळे दरवेळी वाढीची टक्केवारी समान नसते.
DA History 2014 to 2026 : 2014 पासून असा वाढला महागाई भत्ता
मोदी सरकारच्या काळात 2014 पासून आतापर्यंत अनेकदा महागाई भत्त्यात वाढ करण्यात आली आहे. 2014 मध्ये सरकारने 7 टक्के महागाई भत्ता वाढवला होता. त्यानंतर सलग तीन वर्षे 6 टक्के वाढ करण्यात आली होती. कोरोनाच्या काळात सरकारने महागाई भत्त्यातील वाढ काही काळासाठी रोखली (Freeze) होती, मात्र नंतर ती हप्त्यांच्या स्वरूपात कर्मचाऱ्यांना देण्यात आली होती. आता दिवाळीच्या तोंडावर मिळालेल्या या 3 टक्के वाढीमुळे लाखो कर्मचाऱ्यांमध्ये उत्साहाचे वातावरण आहे.
