मिडल ईस्टमधील तणावपूर्ण परिस्थिती आणि त्यातून निर्माण झालेल्या इंधन संकटाच्या पार्श्वभूमीवर नरेंद्र मोदी यांनी देशातील सर्व मुख्यमंत्र्यांसोबत महत्त्वपूर्ण बैठक काल 27 मार्च रोजी घेतली. सुमारे दोन तास चाललेल्या या बैठकीत देशात पेट्रोल, डिझेल किंवा गॅसची टंचाई निर्माण होऊ नये आणि नागरिकांमध्ये भीती पसरू नये यासाठी केंद्र सरकारने तयार केलेला ॲक्शन प्लॅन सादर करण्यात आला. या बैठकीत मोदी यांनी स्पष्ट शब्दांत सांगितले की सध्या देशात कोणत्याही प्रकारचा लॉकडाऊन लावण्याचा विचार नाही आणि इंधनाचा पुरेसा साठा उपलब्ध आहे. जागतिक परिस्थिती बिकट असली तरी भारतात त्याचा थेट परिणाम सामान्य नागरिकांवर होऊ नये, यासाठी सरकार सज्ज आहे.
अफवा आणि चुकीच्या माहितीबाबत इशारा
पंतप्रधानांनी विशेषतः अफवा आणि चुकीच्या माहितीबाबत इशारा दिला. लोकांमध्ये भीती निर्माण होऊ नये यासाठी अधिकृत आणि विश्वासार्ह माहितीच प्रसारित करणे गरजेचे असल्याचे त्यांनी सांगितले. “घाबरण्याचे काही कारण नाही, आपण सर्वांनी एकत्रितपणे काम केल्यास कोणतेही संकट आपण पार करू शकतो,” असा विश्वास त्यांनी व्यक्त केला.
सरकारची तयारी काय?
सरकारच्या तयारीबाबत बोलताना त्यांनी सांगितले की देशात सध्या किमान दोन महिन्यांचा तेलसाठा उपलब्ध आहे आणि त्यात आणखी वाढ करण्यासाठी प्रयत्न सुरू आहेत. त्यामुळे पेट्रोल, डिझेल किंवा एलपीजीच्या कमतरतेची भीती बाळगण्याची गरज नाही.
ॲक्शन प्लॅनमधील 10 महत्त्वाचे मुद्दे
मिडल ईस्टमधील तणावाच्या पार्श्वभूमीवर नरेंद्र मोदी यांनी घेतलेल्या बैठकीतून पुढे आलेले 10 महत्त्वाचे मुद्दे पुढीलप्रमाणे
1. इंधनटंचाईची भीती नाही
देशात सध्या पेट्रोल, डिझेल आणि एलपीजीचा पुरेसा साठा उपलब्ध आहे. नागरिकांनी घाबरण्याची गरज नाही.
2. लॉकडाऊनचा कोणताही विचार नाही
सध्याच्या परिस्थितीत लॉकडाऊन लागू करण्याची गरज नाही, असे स्पष्ट करण्यात आले.
3. अफवांवर नियंत्रण आवश्यक
चुकीची माहिती आणि अफवा पसरू नयेत यासाठी केंद्र व राज्यांनी सक्रिय भूमिका घ्यावी.
4. विश्वासार्ह माहितीचा प्रसार
जनतेपर्यंत फक्त अधिकृत आणि अचूक माहिती पोहोचवण्यावर भर देण्यात आला.
5. पुरवठा साखळी सुरळीत ठेवणे
