क्रिकेट चाहत्यांना ज्या गोष्टीची सर्वात जास्त वाट पाहत असतात ती गोष्ट आता कधी आणि कुठे होणार, हे स्पष्ट झाले आहे. यावेळी आयपीएलचा लिलाव किती तारखेला होणार, कधी होणार अन् याबाबतची सर्व माहित आता समोर आली आहे.
IPL लिलावापूर्वी एक गोष्ट कोणती महत्वाची ठरते…
आयपीएलच्या लिलावाची सर्वांनाच उत्सुकता असते, कारण लिलावात कोणाला सर्वात जास्त पैसे मिळतात, याकडे सर्वांचे लक्ष लागलेले असते. पण या लिलावापूर्वी एक गोष्ट सर्वात महत्वाची असते आणि ती गोष्ट म्हणजे आयपीएलच्या संघांनी कोणत्या कोणत्या खेळाडूंना रिटेन केले आहे. आयपीएलच्या रिटेंशनची लिस्ट अद्याप ठरलेली नाही, पण लवकरच ही लिस्ट समोर येणार आहे आणि त्यानंतर आयपीएलचा लिलाव होणार आहे.
आयपीएलच्या रिटेंशनची लिस्ट कधी जाहीर होणार…
आयपीएलचे रिटेंशन आता सुरु आहे. लिलावासाठी संपूर्ण रिटेंशन लिस्ट शनिवारी म्हणजेच १५ नोव्हेंबर रोजी प्रसिद्ध होणार आहे. फ्रँचायझी गेल्या वर्षी ज्या अनेक प्रमुख खेळाडूंवर महत्त्वपूर्ण बोली लावली होती त्यांना रिलीज करण्याचा विचार करत आहेत. कोणत्या फ्रँचायझी कोणत्या खेळाडूंना रिटेन करतात आणि कोणत्या खेळाडूंना रिलीज करतात हे पाहणे मनोरंजक असेल.
IPL 2026 Auction कधी आणि कुठे होणार, पाहा..
आयपीएलचा लिलाव पाहण्यासाठी आता चाहते आसुसलेले आहेत. आयपीएल २०२६ चा लिलाव १५ किंवा १६ डिसेंबर रोजी अबू धाबीमध्ये होईल. एका अहवालात म्हटले आहे की ठिकाण आधीच निश्चित झाले आहे परंतु तारीख अद्याप निश्चित झालेली नव्हती. पण आता लिलावाची तारीखही ठरलेली आहे. भारताबाहेर आयपीएलचा लिलाव होण्याची ही सलग तिसरी वेळ असेल. दुबई (२०२३) आणि जेद्दाह (२०२४) ही शेवटची दोन ठिकाणे होती. “अबू धाबीला लिलावाचे ठिकाण म्हणून लॉक करण्यात आले आहे,” असे अधिकाऱ्याने सांगितले. २०२५ मध्ये झालेल्या मेगा लिलावानंतर यावर्षी हा एक मिनी लिलाव असेल.
आयपीएलचा लिलाव आता कधी आणि कुठे होणार आहे, हे समोर आले आहे. त्यामुळे यादिवशी चाहत्यांना एक नवा खेळाडू मिळावा, अशी अपेक्षा चाहत्यांची असेल
