त्यानं माझ्या बायकोला फरफटवलं, आता मीही त्याला फरफटवतो! बायको गमावलेल्या नाखवांचा संताप
वरळी परिसरात झालेल्या घटनेची चर्चा सर्वत्र सुरु आहे, नाखवा जोडपे नेहमीप्रमाणे मच्छी आण्यासाठी बाजारात गेले होते पण भरधाव वेगाच्या बीएमडब्ल्यू कारने दुचाकीला धडक दिली आणि कावेरी नाखवा यांना कार चालकाने फरफटत नेले झालेला प्रकार संतापजनक आहे नेटीझन्सकडून प्रकरणाची गंभीर दखल घेत सोशल मीडियावर मुंबई पोलिसांवर प्रश्नाची सरबत्ती करण्यात येत आहे. इतकेच नव्हे तर पिडीत कुटुंबाचा टाहो ऐकून कोणाच्याही डोळ्यात पाणी येईल इतकी हृदय पिळवटून टाकणारी विदारक घटना घडली आहे. मृत कावेरी नाखवा यांचे पती म्हणाले ती वाचू शकली असती पण कार चालकाने माझे ऐकले नाही माझ्या बायकोला फरफटत नेले, मी पण त्याला असेच फरफटत नेऊ का? असा संतप्त सवाल करत प्रदीप नाखवा यांनी आक्रोश केला. गरीबाला इथे न्याय मिळत नाही सगळ्यांना घटना माहिती आहे पण तरीसुद्धा आरोपीला अजूनही अटक नाही, माझ्या कुटुंबाने सारे गमावले माझी दोन मुले आता उघड्यावर आली असा टाहो प्रदीप नाखवा यांनी फोडला.
रविवारी पहाटेच्या सुमारास वरळी परिसरात अपघात घडला असून पिडीत कुटुंब न्यायेच्या प्रतिक्षेत आहे. शिवसेना शिंदे गटाचे नेते राजेश शाह यांचा मुलगा मिहीर शाह वयवर्ष २४ हा तरुण गाडी चालवत होता प्रदीप नाखवा त्यांचा पत्नीसह क्रॉफेड मार्केटहून वरळीला परत येत असताना ताशी तीस ते पसत्तीसच्या स्पीडने गाडी चालवत होते. पण भरधाव वेगाने असणाऱ्या बीएमडब्ल्यू चारचाकीने दोघांना धडक दिली प्रदीप बोनटवर आदळले तर पत्नी कावेरी नाखवा यांची साडी कारच्या चाकात अडकून त्या खाली पडल्या प्रदीप याने कार चालकाला गाडी थांबवा अशी विनंती केली पण गाडी चालक मिहीरने गाडी चालवणे सुरुच ठेवले आणि जवळपास वरळी बांद्रा सी लिंक पर्यंत महिलेला खेचत नेले असे प्रदीप नाखवा यांनी सांगितले आहे. घटनेत महिलेचा रुग्णालयात नेण्याआधीच मृत्यू झाला आहे.
मुंबई पोलिसांनी मिहीर शाहला पकडण्यासाठी लुट आउट सर्क्यूलर काढले आहे इतकेच नव्हे तर मिहीरचा शोध घेण्यासाठी सहा पथके तयार केली आहेत. अपघातापूर्वी जुहूच्या बारमध्ये मिहीरने दारुची नशा केली असा पोलीसांना संशय आहे, कारण अपघाताच्या आधी जूहू परिसरातील एका बारमध्ये मिहीर दिसला होता असे अधिकाऱ्यांना माहिती मिळाली आहे. घटनेत मिहीर याचे वडील आणि गाडीचे मालक राजेश शाह यांना अटक करण्यात आली होती पण मुंबई न्यायालयाने त्यांचा जामीन मंजूर केला आहे.
