मुंबई पुणे एक्स्प्रेस वेवर भीषण अपघात; ट्रक आणि वाहनांची जोरदार धडक

मुंबई पुणे एक्स्प्रेस वेवर (Mumbai Pune Expressway) अनेक वाहनांचा अपघात झाल्याची माहिती समोर आली आहे. खोपोली (Khopoli) एक्झिट जवळ वाहने एकमेकांवर आदळली आहेत. या भीषण अपघातात 7 ते 8 वाहने एकमेकांवर आदळली आहे. अपघातग्रस्त वाहनांमध्ये कार, ट्रक यांचा समावेश असल्याची माहिती समोर आली आहे. या अपघातामध्ये वाहनांचे मोठ्या प्रमाणावर नुकसान झाले आहे. या अपघातात काहीजण जखमी झाल्याची प्राथमिक माहिती समोर आली आहे. जखमींना खोपोली येथील पालिका रुग्णालयात दाखल करण्यात आले आहे.