पुणे-नगर महामार्गावर कुटुंबावर काळाचा घाला, कंटनेरच्या धडकेत दोन वर्षाच्या मुलीसह चौघं जागीच ठार

पुणे-नगर महामार्गावर (Pune Ahmednagar Highway) भीषण अपघात झाला आहे. कारेगावजवळ फलकेमळा येथे कंटेनर आणि कार यांच्यात हा भीषण अपघात झाला. अपघातात कारमधील चौघांचा जागीच मृत्यू झाला आहे. अपघातात एका दोन वर्षाच्या चिमुरडीनेही आपला जीव गमावला आहे.

अपघातातील सर्व कुटुंब हे बीड जिल्ह्यातील होतं. हे कुटुंब कारमधून जात असताना कंटनेरला धडक होऊन भीषण अपघात झाला. या अपघातात चौघांचा जागीच मृत्यू झाला. अपघातात दोन वर्षाच्या चिमुरडीनेही आपला जीव गमावला असून यानंतर परिसरात हळहळ व्यक्त केली जात आहे. घटनेची माहिती मिळताच रांजणगाव एमआयडीसी पोलीस घटनास्थळी दाखल झाले होते.