Zaveri Bazaar Loot : मुंबईतील झवेरी बाजारातून मोठी बातमी; अक्षयचा सिनेमा ‘स्पेशल 26’ प्रमाणे 1 कोटी 70 लाखांची लूट

मुंबईच्या झवेरी बाजारातून सर्वात मोठी बातमी. अभिनेता अक्षय कुमार याचा सिनेमा ‘स्पेशल 26’ (Special 26) सारखीच लूट झवेरी बाजारात करण्यात आली आहे. (Zaveri Bazaar Loot ) चार अज्ञात व्यक्तींकडून बोगस ईडी अधिकारी (Fake ED Officers) असल्याचे भासवत एका व्यापाऱ्याच्या दुकानावर धाड टाकण्यात आली. सूत्रांच्या माहितीनुसार व्यापाऱ्याच्या ऑफिसमधल्या एका कर्मचाऱ्याला बेड्याही ठोकण्यात आल्या. (Fake ED officers raids Zaveri Bazaar in Mumbai)

बोगस अधिकाऱ्यांनी ऑफिसची झाडाझडती घेतली. ऑफिसमधून 25 लाख रुपयांची रोकड आणि 3 किलो सोनं जप्त करुन ते पसार झाले. लूट करण्यात आलेल्या सोन्याची किंमत एक कोटी 70 लाख असल्याचे सांगितले जात आहे. सीसीटीव्हीच्या मदतीने या बोगस ईडी अधिकाऱ्यांचा शोध घेतला जात असल्याची माहिती सूत्रांनी दिली आहे.