Menu

देश
दुसऱ्या टप्प्यात देशभरात ६१.१२ टक्के मतदान

nobanner

देशात आज दुसऱ्या टप्प्यासाठी लोकसभा निवडणुकीसाठी मतदान झाले. आसाम, बिहार, छत्तीसगड, महाराष्ट्र, जम्मू-काश्मीर, कर्नाटक, मणिपूर, ओदिशा, पुडूच्चेरी, तामिळनाडू, उत्तर प्रदेश आणि पश्चिम बंगाल या राज्यांमध्ये सायंकाळी पाच वाजेपर्यंत सरासरी ६१.१२ टक्के मतदान झाले. महाराष्ट्रातील दहा मतदारसंघांसह देशातील ९५ जागांसाठी आज मतदान झाले. दुसऱ्या टप्प्यातील ९५ जागांसाठी १६,०० उमेदवार रिंगणात आहेत.

महाराष्ट्रात दुसऱ्या टप्प्यात एक कोटी ८५ लाख ४६ हजार मतदार होते. २० हजार ७१६ मतदान केंद्रे होती. राज्यात पहिल्या टप्प्यात ११ एप्रिल रोजी विदर्भातील सात मतदारसंघांमध्ये मतदान झाले. दुसऱ्या टप्प्यात विदर्भातील बुलढाणा, अकोला, अमरावती, मराठवाडय़ातील हिंगोली, नांदेड, परभणी, बीड, उस्मानाबाद, लातूर आणि पश्चिम महाराष्ट्रातील सोलापूर या १० मतदारसंघांत मतदान झाले.

काँग्रेस प्रदेशाध्यक्ष अशोक चव्हाण, माजी मुख्यमंत्री सुशीलकुमार शिंदे, बहुजन वंचित आघाडीचे नेते अ‍ॅड. प्रकाश आंबेडकर, आनंदराव अडसूळ, प्रीतम मुंडे यांच्यासह राज्यातील १७९ उमेदवारांचे राजकीय भवितव्य आज मतपेटीत बंद झाले.

  • महाराष्ट्रातील मतदानाची टक्केवारी
    बुलडाणा ५७.०९ टक्के, अकोला ५४.४५ टक्के, अमरावती ५५.४३ टक्के, हिंगोली ६०.६९ टक्के, नांदेड ६०.८८ टक्के, परभणी ५८.५० टक्के, बीड ५८.४४ टक्के, उस्मानाबाद ५७.०४ टक्के, लातूर ५७.९४ टक्के आणि सोलापूर ‎५१.९८ टक्के.
  • देशात इथे झाले मतदान

तमिळनाडूतील लोकसभेच्या ३९ पैकी ३८ मतदारसंघांसह विधानसभेच्या १८ जागांसाठी पोटनिवडणूक झाली. वेल्लोर मतदारसंघातील निवडणूक आयोगाने बुधवारीच रद्द केली. तसेच त्रिपुरातील एका जागेवरील मतदानही लांबणीवर टाकण्यात आले आहे. कर्नाटकातील १०, उत्तर प्रदेशातील ८, आसाम, बिहार आणि ओदिशामधील प्रत्येकी पाच, छत्तीसगड, पश्चिम बंगालमधील प्रत्येकी तीन, जम्मू-काश्मीरमधील दोन, मणिपूर आणि पुदुच्चेरीमधील प्रत्येकी एका जागेसाठी आज मतदान झाले. ओदिशा विधानसभेच्या ३५ जागांसाठीही आज मतदान झाले.

महाराष्ट्रातील दहा मतदारसंघात दुपारी तीन वाजेपर्यंत सरासरी ४६ टक्के मतदान

बुलडाणा ४५.९४ टक्के, अकोला ४५.३९ टक्के, अमरावती ४५.६३ टक्के, हिंगोली ४९.१३ टक्के, नांदेड ५०.०४ टक्के, परभणी ४८.४५ टक्के, बीड ४६.२९ टक्के, उस्मानाबाद ४६.१३ टक्के, लातूर ४८.१० टक्के आणि सोलापूर ४१.४७ टक्के.

जम्मू-काश्मीरमध्ये ३८ टक्के मतदान

जम्मू-काश्मीरमध्ये दुपारी तीन वाजेपर्यंत ३८.५ टक्के मतदान झाले. श्रीनगरमध्ये ५.७ टक्के मतदान झाले आहे

रांगेत उभ्या असलेल्या मतदाराचा मृत्यू

ओदिशाच्या गंजममध्ये मतदानासाठी रांगेत उभ्या असलेल्या ९५ वर्षीय व्यक्तीचा मृत्यू झाला. जागेवर कोसळल्यानंतर या व्यक्तीला तात्काळ रुग्णालयात नेण्यात आले. तिथे डॉक्टरांनी त्याला मृत घोषित केले.

राज्यातल्या दहा मतदारसंघात दुपारी १ वाजेपर्यंत ३५.४० टक्के मतदान

बुलडाण्यात ३४.४३ टक्के मतदान, अमरावती ३६.६८ टक्के मतदान, बीडमध्ये ३४.६५ टक्के मतदान, नांदेडमध्ये ३८.१९ टक्के मतदान, लातूरमध्ये ३६.८२ टक्के मतदान,  सोलापूरमध्ये ३१.५६ टक्के मतदान, हिंगोलीत ३७.४४ टक्के मतदान, उस्मानाबाद ३४.९४ टक्के मतदान,  परभणीत ३७.९५ टक्के मतदान

बुरखा घालून पुरुषांनी बोगस मतदान केल्याचा आरोप

उत्तर प्रदेशमधील अमरोहात बोगस मतदानाचा आरोप, भाजपा उमेदवाराने केला आरोप, बुरखा घालून पुरुषही मतदान केंद्रावर आल्याचा दावा, बुरखाधारी महिलांची मतदान केंद्रावर तपासणी करण्याची मागणी

बापकळ गावाचा मतदानावर बहिष्कार

परभणी लोकसभा मतदारसंघातील बापकळ या गावातील ग्रामस्थांनी मतदानावर बहिष्कार टाकला. सहाय्यक पोलीस निरीक्षक निमिष मेहेत्रे ग्रामस्थांची समजूत काढण्याचा प्रयत्न करत आहेत.  लघुसिंचन प्रकल्प आणि अन्य विकासकामे रखडल्याने ग्रामस्थ आक्रमक

राज्यात सकाळी ११ वाजेपर्यंत झालेले मतदान

सोलापूर – १६. ४८ टक्के, बीड – १८.३९ टक्के, हिंगोली – २०.४० टक्के, बुलढाणा – २०.५२ टक्के, परभणी – २०.६२ टक्के, नांदेड – २४.०६ टक्के, अकोला – १६.९५ टक्के, लातूर -१९.९७ टक्के

“वंचित आघाडीच्या चिन्हासमोरील बटण दाबलं तरी कमळालाच मतदान”

सोलापूरमध्ये वंचित आघाडीच्या चिन्हासमोर बटण दाबलं तरी कमळालाच मतदान होत असल्याचा गंभीर आरोप प्रकाश आंबेडकर यांचे चिरंजीव सुजात यांनी केला आहे.

राज्यात सकाळी ९ वाजेपर्यंत झालेले मतदान

बुलढाणा – ७.७०% , अकोला – ७.६०%, अमरावती – ६.४०%, हिंगोली – ७.९४%, नांदेड – ८.८८%, परभणी – ९.३०%, बीड – ७.५५%, उस्मानाबाद – ७.९०%, लातूर – ८.४१%, सोलापूर – ६. ८७ %

 लातूरमधील ग्रामस्थांचा मतदानावर बहिष्कार

लातूरमध्ये पीकविमाच्या मुद्द्यावरुन आनंदवाडी येथील ग्रामस्थांचा मतदानावर बहिष्कार, सकाळी सव्वा दहावाजेपर्यंत एकही मतदान नाही.